Сэжигтэн яллагдагчийг баривчлах цагдан хорих шийдвэрийг биелүүлэх тухай хуулийн 19 дүгээр зүйл, Хорих байрны дотоод журмын 13 дугаар зүйлийг үндэслэн хоригдсон этгээд төрөл садан, бусад хүмүүстэй уулзана.
- Цагдан хоригдсон этгээдийн уулзалтыг 7 хоногт 2 удаа буюу Мягмар, Лхагва гаригт, шүүхээр шийтгүүлсэн этгээдийн уулзалтыг 7 хоногт 5 удаа буюу Даваа-Баасан гаригт, хорих ял эдэлж буй хоригдлын уулзалтыг 7 хоногт 3 удаа буюу Даваа, Пүрэв, Баасан гаригт 10:00-16:00 цагийн хооронд зохион байгуулна.
- Цагдан хоригдсон болон шүүхээр шийтгүүлсэн этгээдийн уулзалтыг хорих шийдвэр гаргасан эрх бүхий албан тушаалтны буюу түүний удирдах дээд албан тушаалтны бичгээр олгосон зөвшөөрлөөр төрөл садан болон бусад хүмүүстэй уулзуулна.
- Шүүхийн шийтгэх тогтоол хүчин төгөлдөр болсон этгээдийн уулзалтыг ар гэрээс гаргасан хүсэлтийг үндэслэн хорих байрны даргын зөвшөөрлөөр уулзуулна.
- Хоригдсон этгээдийг нэг удаагийн уулзалтаар гурваас илүүгүй хүнтэй уулзуулах бөгөөд уулзалт 20 минутаас дээшгүй хугацаагаар харуул хамгаалалтын ажилтан байнгын хяналт тавих бөгөөд хорих байранд хориглосон зүйл дамжуулахыг хориглоно.
- Хоригдсон этгээдийг бусадтай уулзуулах тухай эрх бүхий албан тушаалтны зөвшөөрөлд бичигдсэн хүний иргэний бичиг баримтыг хүний тоо бүртгэлийн ажилтан нягтална.
